బ్యాచి‌లర్ కష్టాలు

ఏమని చెప్పను ప్రేమ ఎగిరే చిలకమ్మా.. :(.

          నిన్న మా రూం ఓనర్, ఎప్పుడూ రానిది రూంలోపలికి వచ్చి చక చక రూం అటు ఇటు ఓ సారి తిరిగి, మీరు వచ్చే నెలలో రూం ఖాళీ చెయ్యండి అని చెప్పాడు. నాకు ఏమి అర్ధం కాలేదు. అదేంటండి అలా అంటారు అని అడిగితే, మీరు రూం శుభ్రంగా ఉంచుకోవడం లేదండి. ఇలా ఐతే నాకు మీకు రూం ఇవ్వడం ఇష్టం లేదు అన్నాడు. శుభ్రంగానే ఉందిగా ఇంకేంటి ప్రాబ్లం అని అడిగితే అదంతా నాకు తెలియదండీ మీరు వచ్చే నెల ఖాళీచెయ్యండి అన్నాడు. తీరా విషయం ఏంటి అని పక్క రూం వాళ్ళని అడిగితే వాళ్ళని కూడ ఖాళీ చెయ్యమన్నాడంట, పెళ్ళైన వాళ్ళకే ఇవ్వాలని డిసైడ్ అయ్యాడంట. వాళ్ళే ఇల్లుని శుభ్రంగా ఉంచుకుంటారంట అని చెప్పాడు. అంటే ఇప్పుడు నేను మనోడి ఇంట్లో ఉండాలంటే పెళ్ళి చేసుకోవాల..చట్

       మేము ఒకటిన్నర సంవత్సరంగా ఈ ఇంట్లో ఉన్నాము. మొదట ఎనిమిది నెలలకే ఐదు వందలు పెంచాడు. అదేంటండి పదకొందు నెలలకి కదా పెంచుతారు, అప్పుడే ఏంటి అని అడిగితే, వాటర్ బిల్లు ఎక్కువగా వస్తుంది అన్నాడు. సరేలే ఐదువందలే కదా అని లైట్ తీసుకుంటే పదకొండవ నెలకి ఏకంగా ఇరవై రెండు శాతం పెంచాడు. ఏంటండి బాండ్‍లో పది శాతమే కదా ఉండేది అంటే మీకు ఇష్టం ఐతే ఉండండి లేదంటే ఖాళీచెయ్యండి అనేశాడు. సరేలే వేరే రూం చూసుకుందాం అని బయట చూస్తే అడ్వాన్స్‍లు భయంకంరంగా ఉండంటంతో వేరేదారి లేక తప్పక అక్కడే ఉండవలసి వచ్చింది. అరె నాకు హైక్ కూడా అంతరాలేదు రాలేదు వీడేందిరా బేవార్స్ గాడు, శని గ్రహం మీద ఇల్లు కట్టుకునే మొహమూ వీడు అనుకున్నా. మరిప్పుడేమో ఉన్నట్టుండి ఖాళీ చేయమంటే ఏడికెళ్ళాలి రా బాబు. అయినా బ్యాచిలర్స్ రూములు ఇలా కాకుండ ఇంకెలా ఉంటాయి. మేబీ రోజు శుభ్రంగా ఇల్లు ఊడ్చి, దేవుని దగ్గర దీపం పెట్టి, ప్రసాదం తీసుకెళ్ళి మనోడికి ఇవ్వాలేమో..సినెమా తియేటర్‍లో కష్టమర్ కేర్‍తో మాట్లాడే మొహం వీడూను.

          మా ఇంటి ఓనర్‍ని తిట్టానని వేరేగా అనుకోకండి ఏదో ఫ్రస్ట్రేషన్. సాఫ్ట్వేర్ జాబులు చేస్తున్నారు కదా అని ఎంత పడితే అంత రూము అద్దెలు పెంచడం భావ్యం కాదు. ఎంత పెంచినా చచ్చినట్టు ఉంటారు కదా అనుకొని ఇష్టం వొచ్చినట్టు పెంచకండి.