Iam Yet to Born!

ఈ సందర్భంగా నేను వ్రాసుకున్న ఓ విన్నపం..

దేవుడా..
నేను రేపు పుట్టబోతున్న..
నన్ను నువ్వు బాగ చూసుకోవాలి..
నా ఆరోగ్యం బాగుండాలి.. నేను సంతోషంగ ఉండాలి..నా చుట్టూ ఉన్నవాళ్ళంతా బాగుండాలి..
నిష్కల్మషమైన మనసుని నాకు ప్రసాదించు.. నా వల్ల ఎవ్వరూ బాధ పడకూడదు..
బాధకలగని జీవితాన్ని నాకివ్వు..
కోపము కలగని పరిస్థితులలో నన్ను పెంచు..
ప్రేమను పంచే మనుషుల మధ్య నన్ను ఉంచు..
స్వార్ధం ఎరుగని మనసుని నాకివ్వు..
చివరగా ఒకటి అసలు రెడ్‌చిప్పే లేని జీవితాన్ని నాకివ్వు.. 

 *****************************************

మనిషి పుట్టీనప్పటినుంచి ఏదో ఒక ఆశతోనే బ్రతుకుతాడు. ఎవడి పిచ్చి వాడిది అనే కాన్సె‌ప్ట్ ఎలా వస్తుంది అంటారు? ఆశ వల్లనే అని నా అభిప్రాయం. అంతేగ కొన్ని ఆశలు ఆ సమయానికి తీరక, వాటిపైన మోజు ఏర్పడి అవి కోరికలు, ఆశయాలుగ తయారవుతాయ్..ఇప్పుడిదంతా ఎందుకంటార..చెప్తా..చెప్తా..వినండి ముందు అదే చదవండి.

చిన్నప్పటినుండి మనం ఎలా పెరుగుతాం, ఏది మంచి ఏది చెడు, ఏది చెయ్యాలి, ఏది చెయ్యకూడదు..ఇలాంటివి మన తల్లిదండ్రుల ద్వారానో లేక మన తాతయ్య/నానమ్మల ద్వారానో తెలుసుకుంటాం. కాస్త వయసొచ్చాక.. స్నేహితులు, బంధువులు, ఉపాధ్యాయులు.. ఇలా ఉంటుంది సర్కిల్. తర్వాత కొద్ది మంది మాత్రమే ఉంటారు, లైక్ సన్నిహిత మిత్రులు, తల్లిదండ్రులు. ఇంత మందితో మనం కలసి ఉన్నప్పటికి మనసేం చెబితే అదిమాత్రమే చేస్తూ ఉంటాం చాలా సార్లు. దీని వల్ల కొంతమంది బాధ పడుతుంటారు. కొంత మంది వీడి ఖర్మలే అని లైట్ తీసుకుంటారు. ఏది ఏమైనా ఒకసారి మనం చేసిన పనిని సరిదిద్దంలేం ఎందుకంటే మనమేమైన ఘటోఘ్కచులమా కృష్ణారెడ్డి సినెమాలో లాగ కాలాన్ని వెనక్కి తిప్పడానికి. ఒక వయసొచ్చాక..మనం సొంత తెలివితేటలు వాడటం ప్రారంభింస్తాం. మొదట్లో తప్పులు జరిగినా తర్వాత తర్వాత ఎలాగో ఒకలా నెగ్గుకొస్తాం..పడుతాం, లేస్తాం కాని చివరికి గెలుస్తాం. ఇదంతా చివరికి అనుభవం/ఇగోలాగ మారి ఇతరులకి మన ట్యాలెంట్ చూపించడం జరుగుతుంది. ఇంతచేసి చివరికి ఎవరైనా కోరుకునేది ఏంటి జీవితంలో.. ఎస్.. మనశ్శాంతి. రెండురకాలుగ వస్తుంది అని నా అభిమతం. మొదటిది నీ మనస్సులో  ఆనందం కలిగినప్పుడు. రెండోది పక్కోడి మొహంలో చిరునవ్వు చూసినప్పుడు మేబి మూడోది ఓ మంచి పని చేసినప్పుడు.. 

మొదటిసారి మహాసముద్రం చూసినప్పుడు, చిన్నారి నవ్వు చూసినప్పుడు, పండుముసలి మొహంలో ఆనందం చూసినప్పుడు, పరీక్షలో పాసైనప్పుడు కలిగే ఆనందం, మొదటిసారి ప్రియురాలు/భార్య ఐ లవ్ యూ అన్నప్పుడు, మనవల్ల ఇంకొకరికి ఆనందం/మంచి కలిగినప్పుడు.. ఇవన్నీ జీవితంలో మనకు ఎదురయ్యే ఆనంద క్షణాలు. అలాగే బాధ కలిగించే విషయాలు కూడా ఉంటాయి. అందుకే భాస్కర్ అన్నాడేమో ఆరెంజ్‌లో 'ఓ సముద్రం చూడాలి బాస్' అని.

(ఇన్ని సంవత్సరాలలో నాకర్ధమైంది ఇంతే.. చూద్దాం ఇంకెలా ఉంటుందో..)

  


( Happy Birthday to Me..  :-) )